Wednesday, July 24, 2013

ဘာပဲပြောပြော ရာဇ၀င်ရှိတယ်

9:30 AM    No comments

  • Description: ခရစ်မပေါ်ခင် နှစ်ပေါင်း ၂၄၀၀ လောက်ကစ၍ တရုတ်ပြည်ကြီးတွင် ကိုယ့်မင်းကိုယ်ချင်း အုပ်ချုပ်နေကြသည့် မြို့ပြနိုင်ငံများနှင့် စစ်ဘုရင်များအကြောင်းကို ရာဇ၀င်ဆရာ စီမာချန်ဆိုသူက “ရှိဂျီ”ဟူသော ဂန္ထလရာဇ် ရာဇ၀င်ကျော်ကျမ်းဖြင့် စာထက်အက္ခရာတင်ခဲ့သည်။ ၄င်းထဲမှ ကောင်းနိုးရာရာ မှတ်သားလောက်သည့် တရုတ်စကားပုံ စကားလှ စကားဆန်းများအကြောင်းနှင့် ၄င်းတို့ မြစ်ဖျားခံရာ တရုတ်ပြည်၏ အတိတ်သမိုင်းကြောင်းကို တရုတ်ပြည်ပေါက် အမေရိကန်သူ မေ့ဆေးဆရာဝန် အယ်ဒလင်းယင်းမာက သူ၏ ငယ်ဘ၀ဖြတ်သန်းမှုများနှင့် ရောယှက်ကာ နှစ်ယောက် တစ်အိပ်မက်ပုံစံဖြင့် စာအုပ်တစ်အုပ် ရေးသားထားခဲ့သည်။ ယခုစာအုပ်သည် အယ်ဒလင်းယင်းမာ၏ စာအုပ်ပါ စိတ်ဝင်စားဖွယ် ဇာတ်လမ်းပေါင်း ၁၉ ပုဒ်ကို မြန်မာခွဲစိတ်ဆရာဝန် စာရေးဆရာ ငွေစန်းရောင်က မျက်မှောက်ခေတ် မြန်မာနိုင်ငံ၏ အခြေအနေများနှင့် ချိန်ထိုးရင်း စီမာချန် တစ်လှည့်၊ ယင်းမာတစ်လှည့်၊ ငွေစန်းရောင်တစ်လှည့်ပုံစံဖြင့် စိတ်ဝင်စားဖွယ် ရေးသားတင်ပြထားသည်။ စာရေးဆရာ သင့်လူက “ ... မူရင်း တရုတ်ရာဇ၀င်ကြောင်းနှင့် ဒီရာဇ၀င်ကြောင်းကြောင့် ပေါ်ထွန်းလာတဲ့ စကားပုံတွေအကြောင်းပြောရင်း ရေးရင်း နောက်ဆက်တွဲဝင်လာတဲ့ အတွေးတွေ၊ ဖြစ်ရပ်တွေနဲ့ ဒီရာဇ၀င်ကြောင်းကို ဖ၀ါးခြေထပ် ခပ်မြူးမြူး ခပ်လှောင်လှောင် ခပ်ထေ့ထေ့လိုက်တဲ့အတွက် တရုတ် - မြန်မာဖြစ်ရပ်တွေ မကွဲပြားတော့ဘဲ လူမှန်ရင် ဘယ်ခေတ်ဖြစ်ဖြစ် ဒီလို အချိုးမျိုးက ရှိစမြဲပဲဆိုသည့် Humanization အတွေးအခေါ်ကို ပေးနေတာပဲလို့ ထင်မိတယ် ... ”ဟု စာအုပ်အပေါ် မြင်သည့် သူ့အမြင်ကို အမှာစာတွင် ဖော်ပြထားသည်။

         ဒီမှာ ဒေါင်းလိုက်ပါ

0 comments:

Post a Comment

Subscribe to: Post Comments (Atom)